सिटीका फरवार्ड हालान्डले जिते प्लेयर अफ द इयर अवार्ड

काठमाडौँ- इंग्लिस क्लब म्यानचेस्टर सिटीका फरवार्ड अर्लिङ हालान्डले पीएफए मेन्स प्लेयर्स प्लेयर अफ द इयर अवार्ड हात पारेका छन् ।

२३ वर्षीय नर्वेजियन फरवार्ड हालान्डले गत सिजनमा सिटीका लागि डेब्यू गर्दै विभिन्न प्रतियोगितामा गरी ५२ गोल गरेका थिए ।

---

हालान्डले आफ्नै टिमका केभिन डी ब्रुएन तथा जोन स्टोन्स तथा आर्सनलका साका र मार्टिन ओडेगार्ड र गत सिजन टोटेनहमका लागि खेलेका ह्यारी केनलाई पछि पार्दै उक्त अवार्ड हात पारेका हुन् ।

गत सिजन सिटीले प्रिमियर लिग, एफए कप तथा च्याम्पियन्स लिगको उपाधि जित्दै ट्रेबल पूरा गरेको थियो ।

यता आर्सनलका बुकायो साकाले भने युवा खेलाडीको अवार्ड जितेका छन् ।