क्रिस्टियानो रोनाल्डोले दुई गोल गर्दै अल-नासरलाई दिलाए दोस्रो जित

काठमाडौँ- पोर्चुगिज फुटबल स्टार क्रिस्टियानो रोनाल्डोले दुई गोल गर्दै साउदी अरेवियन क्लब अल-नासरलाई साउदी प्रो लिगमा दोस्रो जित दिलाएका छन् ।

मंगलबार राति भएको खेलमा अल-नासरले अल-शबाबलाई ४-० गोलअन्तरले पराजित गर्दै लिगमा दोस्रो जित निकालेको हो । 

---

अल-नासरका लागि रोनाल्डोले खेलको १३ औँ र ३८ औँ मिनेटमा पेनाल्टी मार्फत गोल गरे । खेलको ४० औँ मिनेटमा साडियो माने र सुल्तान अल-घनामले ८० औँ मिनेटमा गोल गर्दै अल-नासरको जित सुनिश्चित गरेका हुन् ।

रोनाल्डोले ३ खेलमा ५ गोल र २ असिस्ट गरिसकेका छन् ।

अल-नासरले खेलेको ४ खेलमा २ खेलमा जित निकाल्दै ६ अंक जोडेको छ ।