च्याम्पियन्स लिगः साविक विजेता सिटी सहज समूहमा

काठमाडौँ- साविक विजेता म्यानचेस्टर सिटी नयाँ सिजनको यूइएफए च्याम्पियन्स लिगको समूह ‘जी’ मा परेको छ । सिटीका लागि यो सहज समूह हो ।

बिहीबार राति सार्वजनिक भएको ‘ड्र’ अनुसार इंग्लिस क्लब सिटीसँगै समूह ‘जी’ मा जर्मन क्लब आरबी लेइपजिग, सर्वियन क्लब एफके करभेना भेज्दा र स्विट्जरल्यान्डको योङ्ग ब्वाइज पनि रहेका छन् ।

---

अर्को इंग्लिस क्लब न्यूकासल भने कठिन समूहमा परेको छ । न्यूकासल समूह ‘एफ’ मा परेको र यस समूहमा फ्रेन्च क्लब पेरिस सेन्ट जर्मेन, जर्मन क्लब बोरुसिया डर्टमन्ड र इटालियन क्लब एसी मिलान रहेका छन् ।

यता जर्मन क्लब बायर्न म्युनिखसँगै म्यानचेस्टर युनाइटेड समूह ‘ए’ तथा आर्सनल समूह ‘बी’ मा छन् ।