मेस्सीसँगै आफूले पीएसजीमा निकै कठिन समय बिताएको नेयमारको भनाइ

काठमाडौँ- ब्राजिलियन खेलाडी नेयमारले फ्रेन्च क्लब पेरिस सेन्ट जर्मेन (पीएसजी) मा आफ्ना साथी लियोनल मेस्सीसँगै कठिन समय बिताएको बताएका छन् ।

ग्लोबो एस्पोर्टेसँगको अन्तर्वार्ताका क्रममा मेस्सीसँगै आफूले पीएसजीमा नरकीय जीवन बिताएको नेयमारले दाबी गरेका हुन् ।

---

'म मेस्सीको लागि धेरै खुसी भए पनि तर त्यही समयमा धेरै दुखी पनि थिए किनभने मैले सिक्काका दुवै पाटा देखेको थिएँ । मेस्सीसँगै मैले पनि पीएसजीमा नरकीय जीवन बिताएँ,' उनले थपे ।

पीएसजीमा ६ वर्ष बिताएपछि नेयमार गत अगस्टमा साउदी अरेबियन क्लब अल-हिलालमा अनुबन्ध भएका थिए ।

मेस्सी पनि गत जुलाईमा पीएसजी छाडेर अमेरिकी क्लब इन्टर मियामीमा आबद्ध भएका थिए ।