आफ्नै खेलाडीको ओठमा चुम्बन गरेका लुइसले अध्यक्ष पदबाट दिए राजीनामा

काठमाडौँ- आफ्नै खेलाडीको ओठमा चुम्बन गरेर विवादित बनेका स्पेन फुटबल संघका अध्यक्ष लुइस रुवियल्सले पदबाट राजीनामा दिएका छन् । अस्ट्रेलिया र न्यूजिल्यान्डमा भएको फिफा महिला विश्वकप फुटबलको उपाधि स्पेनले जितेपछि अध्यक्ष लुइसले स्पेनकी फरवार्ड जुनी हर्मोसोको ओठमा चुम्बन गरेका थिए । स्पेनले इंग्ल्यान्डलाई पराजित गर्दै उपाधि जितेको थियो ।

३३ वर्षीया हर्मोसोले गत मंगलबार लुइसले आफूलाई चुम्बन गर्दा आफ्नो सहमति नभएको भन्दै जाहेरी दिएकी बीबीसीले जनाएको छ ।

---

लुइसले एक विज्ञप्तीमार्फत आफूले संघका कार्यवाहक अध्यक्ष पेड्रो रोचासमक्ष राजीनामा दिएको बताएका छन् ।

४६ वर्षीय लुइसले यूईएफएको कार्यकारी समितिको उपाध्यक्ष पदबाट समेत राजीनामा दिएका छन् ।