विश्वकप छनोटः ब्राजिल र अर्जेन्टिनाको लगातार दोस्रो जित

काठमाडौँ- फिफा विश्वकप २०२६ को लागि जारी दक्षिण अमेरिकी छनोटअन्तर्गत ब्राजिल र अर्जेन्टिनाले लगातार दोस्रो जित हात पारेका छन् ।

बुधबार बिहान भएको खेलमा अर्जेन्टिनाले बोलिभियालाई ३-० गोलअन्तरले पराजित गर्‍यो । अर्जेन्टिनाको जितमा इन्जो फर्नान्डेज, निकोलास टाग्लिफिको र निकोलास गोन्जालेजले एक-एक गोल गरे ।

---

ब्राजिलले भने पेरुलाई १-० गोलअन्तरले पाखा लगायो । ब्राजिलको जितमा मार्क्विन्होसले निर्णायक गोल गरे ।

यससँगै ब्राजिल र अर्जेन्टिनाले समान ६-६ अंक जोडेपनि गोलअन्तरको आधारमा भने ब्राजिल शीर्ष स्थानमा छ ।