एसी मिलानमाथि इन्टर मिलानको शानदार जित

काठमाडौँ- इटालियन सिरि ए फुटबलअन्तर्गत शीर्ष स्थानको इन्टर मिलानले एसी मिलानमाथि शानदार जित हात पारेको छ ।

आइतबार राति सम्पन्न खेलमा इन्टर मिलानले एसी मिलानलाई ५-१ ले स्तब्ध तुल्यायो ।

---

इन्टर मिलानको जितमा हेनरिख खितारियनले २ तथा मार्कस थुराम, हकान काल्हानोग्लु र डाभिड फ्राटेसीले एक-एक गोल गरे ।

एसी मिलानका लागि राफायल लिओले एक गोल फर्काए ।

जितसँगै शीर्ष स्थानको इन्टर मिलानले चार खेलबाट १२ अंक जोडेको छ । दोस्रो स्थानको युभेन्ट्सको १० अंक छ भने तेस्रो स्थानमा झरेको एसी मिलानको ९ अंक छ ।