प्रयागराज फुटसलः आयोजक वडा नं २३ बाहिरियो

काठमाडौँ - प्रयागराज सिंह सुवाल स्मृति अन्तर वडा फुटसल प्रतियोगितामा आयोजक वडा नं २३ प्रिक्वार्टरफाइनलबाटै बाहिरिएको छ ।

लैनचौर फुटसल मैदानमा आइतबार वडा नं १४ ले वडा नं २३ लाई १–० ले हराएर क्वार्टरफाइनलमा स्थान बनायो । सो खेलमा मनिष रानाभाटले विजयी गोल गरे ।

---

काठमाडौँ महानगरपालिकाका वडाहरु बीच भइरहेको प्रतियोगिताअन्तर्गत आइतबार भएका अन्य खेल जित्दै वडा नं ४, वडा नं १७ र वडा नं ३२ अन्तिम ८ मा प्रवेश गरे ।

पहिलो खेलमा वडा नं ४ ले वडा नं ९ लाई १–० ले हराएर अन्तिम आठमा स्थान बनायो । सो खेलमा भएको एक मात्र गोल प्रजेश अधिकारीको नाममा रह्यो ।

दोस्रो खेलमा वडा नं १७ ले वडा नं २७ को चुनौती १–० ले समाप्त पार्यो । यसैगरी वडा नं ३२ ले वडा नं २२ लाई २–० ले पराजित गर्यो । सो खेलमा विशान्त मगर र जीवन पराजुलीले गोल गरे ।

प्रतियोगिताअन्तर्गत सोमबार प्रिक्वार्टरफाइनलका खेलहरु हुने तालिका रहेको छ ।

सोमबार वडा नं १४ ले वडा नं ३२, वडा नं १५ ले वडा न २६, वडा नं ४ ले वडा नं १७ र वडा नं ११ ले वडा नं १३ सँग खेल्नेछन् ।

नकआउटको आधारमा भइरहेको प्रतियोगितामा विजेता टिमलाई ट्रफीसहित दुई लाख रुपियाँ प्रदान गरिनेछ । उपविजेता टिमले एक लाख रुपियाँ प्राप्त गर्नेछ । यसैगरी, विधागततर्फ उत्कृष्ट हुने सर्वश्रेष्ठ खेलाडी, सर्वाधिक गोलकर्ता र सर्वश्रेष्ठ गोलरक्षकलाई जनही दस हजार रुपियाँले पुरस्कृत गरिनेछ ।