प्रिमियर लिगः चार खेलमा बर्नलीलाई पहिलो अंक

काठमाडौँ- इंग्लिस प्रिमियर लिग फुटबलअन्तर्गत चार खेलपछि बर्नलीले पहिलो अंक जोड्न सफल भएको छ ।

सोमबार राति भएको खेलमा नटिङ्घम फरेस्टसँग एक-एक गोलको बराबरी खेल्दै बर्नलीले चार खेलमा एक अंक हात पारेको हो ।

---

बर्नलीले यसअघिका तीनवटै खेलमा पराजय भोगेको थियो । फरेस्टले भने पाँच खेलबाट ७ अंक जोडेको छ ।

बर्नली अंक तालिकाको १९ औँ स्थानमा रहँदा फरेस्ट ८ औँ स्थानमा छ ।

सोमबार राति जेकी अम्डोउनीले ४१ औँ मिनेटमा गोल गर्दै बर्नलीलाई अग्रता दिलाएपनि फरेस्टका कालुम हडसन-ओडोइले ६१ औँ मिनेटमा गोल गर्दै खेललाई बराबरीमा पुर्‍याए ।