फ्रान्स र पोर्चुगल यूरो कप फुटबलका लागि छनोट

काठमाडौँ- फ्रान्स र पोर्चुगल २०२४ मा आयोजना हुने यूरो कप फुटबलका लागि छनोट भएका छन् ।

यूरो कपका लागि जारी छनोटअन्तर्गत नेदरल्यान्ड्सलाई २-१ ले पराजित गर्दै फ्रान्सले यूरो कपमा स्थान सुरक्षित गरेको हो ।

---

समूह ‘बी’ मा रहेको फ्रान्सले खेलेका ६ वटै खेलमा जित हात पार्दै १८ अंक जोडेको छ । फ्रान्स दुई खेल अगावै यूरो कपका लागि छनोट भएको हो ।

नेदरल्यान्ड्सविरुद्ध फ्रान्सलाई जित दिलाउन दुवै गोल कायलियन एमबाप्पेले गरे । नेदरल्यान्ड्सका लागि क्विलिन्डस्ची हार्टम्यानले एक गोल फर्काए ।

यता समूह ‘जे’ मा रहेको पोर्चुगलले खेलेका सातवटै खेलमा जित हात पार्दै २०२४ मा जर्मनीमा आयोजना हुने यूरो कपमा स्थान बनाएको छ ।

पोर्चुगलले सातौ खेलमा स्लोभाकियालाई ३-२ गोलअन्तरले पराजित गर्‍यो । पोर्चुगलको जितमा क्रिस्टियानो रोनाल्डोले २ तथा गोन्कालो रामोसले एक गोल गरे ।

स्लोभाकियाका लागि डेभिड हान्को र स्टानिस्लाभ लोबोट्काले एक-एक गोल फर्काए ।