इंग्लिस प्रिमियर लिगः तेस्रो स्थानको लिभरपुलले लुटोनसँग अंक खोस्यो

काठमाडौँ- इंग्लिस प्रिमियर लिग फुटबलअन्तर्गत तेस्रो स्थानको लिभरपुलले १७ औँ स्थानको लुटोनसँग अंक बाँडेको छ ।

आइतबार राति भएको खेलमा लिभरपुलले लुटोनसँग १-१ गोलको बराबरी खेलेको हो ।

---

८० औँ मिनेटमा ताहिथ चोङले गोल गर्दै लुटोनलाई अग्रता दिलाएका थिए । तर दोस्रो हाफको इन्जुरी समयमा लिभरपुलका लुइस डियाजले गोल गर्दै खेललाई बराबरीमा पुर्‍याए ।

बराबरीसँगै लिभरपुलले ११ खेलबाट २४ अंक जोडेको छ । यता लुटोनको भने ६ अंक छ ।

आइतबार राति नै भएको अर्को खेलमा नटिङ्घम फरेस्टले एस्टन भिल्लालाई २-० गोलअन्तरले पराजित गर्‍यो ।

जितसँगै ११ खेलबाट १३ अंक जोडेको नटिङ्घम फरेस्ट १२ औँ स्थानमा उक्लिएको छ । २२ अंक जोडेको एस्टन भिल्ला भने पाँचौँ स्थानमा छ ।