स्पेनिस ला लिगाः रियल मड्रिडले शीर्ष स्थानमा उक्लिने मौका गुमायो

काठमाडौँ- रियल मड्रिडले स्पेनिस ला लिगा फुटबलको शीर्ष स्थानमा उक्लिने मौका गुमाएको छ ।

आइतबार राति सम्पन्न खेलमा रायो भालेकानोसँग गोलरहित बराबरी खेलेपछि रियल मड्रिडले तालिकाको शीर्ष स्थानमा उक्लिने मौका गुमाएको हो ।

---

बराबरीसँगै दोस्रो स्थानको रियल मड्रिडले १२ खेलबाट २९ अंक जोडेको छ । यता शीर्ष स्थानको गिरोनाले १२ खेलबाटै ३१ अंक हात पारेको छ ।

रियल मड्रिडसँग बराबरी खेलेको रायो भालेकानो भने १८ अंकसहित नवौँ स्थानमा छ ।