न्युक्यासलमाथि लिभरपुल ४-२ ले विजयी, लिभरपुरलाई तीन अंकको अग्रता

काठमाडौँ- इङलिस प्रिमियर लिग अन्तर्गत लिभरपुलले न्युक्यासल युनाइटेडलाई पराजित गरेको छ । गएराति भएको खेलमा लिभरपुलले न्युक्यासल युनाइटेडलाई ४-२ गोल अन्तरले पराजित गरेको हो ।

लिभरपुलको जितमा मोहमद सलाहले २ गोल गरेका थिए भने कार्टिस जोन्स र कोडी गाक्पोले एक-एक गोल गरेका थिए ।

---

त्यसैगरी न्युक्यासलका लागि एल्जान्डर इसक र सभेन बोटम्यानले एक-एक गोल गरेका थिए ।

यो यस सिजनमा लिभरपुलको १३औँ जित हो । यो जितपछि लिभरपुलको २० खेलमा ४५ अंक भएको छ र लिगमा शीर्ष स्थानमा कायम रहेको छ । लिभरपुलले यो जितपछि दोस्रो स्थानमा रहेको एस्टन भिल्लासँग ३ अंकको स्पष्ट अग्रता हासिल गरेको छ ।

त्यसैगरी न्युक्यासल युनाइटेडको भने यो यस सिजनमा नवौं हार हो । २० खेलमा २९ अंक रहेको न्युक्यासल लिगमा नवौं स्थानमा रहेको छ ।