अल नासरसँग इन्टर मियामीको लज्जास्पद हार

काठमाडौँ- साउदी टूरमा रहेको इन्टर मियामीले अल नासरसँग लज्जास्पद हार ब्यहोरेको छ ।

गएराति भएको खेलमा क्लब मैत्रीपूर्ण खेलमा अल नासरले इन्टर मियामीलाई ६-० ले पराजित गरेको हो ।

---

अल नासरको जितमा टालीस्काले ह्याट्रिक गरेका थिए भने ओटाभियो, आइमेरिक लापोर्टे र मोहमद मरानले एक-एक गोल गरेका थिए ।

इन्टर मियामीको साउदी टूरमा यो लगातार दोस्रो हार हो । यसअघि इन्टर मियामी अल हिलालसँग पनि पराजित भएको थियो ।

यस खेलमा अल नासरका क्रिस्टियानो रोनाल्डो इन्जुरिका कारण खेलेका थिएनन् भने लियोनेल मेसी ८४औँ मिनेटमा मैदानमा आएका थिए ।