आयोजक कतारले जित्यो एसियन कपको उपाधि

काठमाडौँ- आयोजक कतारले एएफसी एसियन कप फुटबल प्रतियोगिताको उपाधि जितेको छ ।

शनिबार राति लुसेल स्टेडियममा सम्पन्न फाइनल खेलमा जोर्डनलाई ३-१ गोलअन्तरले पराजित गर्दै कतारले उपाधि हात पारेको हो ।

---

कतारको जितमा अकरम अफिफले ह्याट्रिक पूरा गरे । अफिफले तीनवटै गोल पेनाल्टीमार्फत गरेका थिए । उनले २२ औँ, ७३ औँ तथा दोस्रो हाफको इन्जुरी समयमा गोल गर्दै ह्याट्रिक पूरा गरेका हुन् ।

जोर्डनका लागि याजन अल-नैमतले एक गोल फर्काए ।

कतारले लगातार दोस्रोपटक एसियन कपको उपाधि जितेको हो । यसअघि सन् २०१९ मा यूएईलाई हराउँदै कतारले उपाधि हात पारेको थियो ।