म्यानचेस्टर सिटी प्रिमियर लिगको उपाधिनजिक

काठमाडौँ- साविक विजेता म्यानचेस्टर सिटी इंग्लिस प्रिमियर लिगको उपाधिनजिक पुगेको छ ।

शनिबार राति सम्पन्न खेलमा फुलहमलाई ४-० गोलअन्तरले पराजित गर्दै म्यानचेस्टर सिटी उपाधिनजिक पुगेको हो ।

---

फुलहमविरुद्ध म्यानचेस्टर सिटीलाई जित दिलाउन जोस्को भार्डियोलाले २ तथा फिल फोडेन र जुलियन अल्भारेजले एक-एक गोल गरे ।

 जितसँगै म्यानचेस्टर सिटीले ३६ खेलबाट ८५ अंक जोड्दै तालिकाको शीर्ष स्थानमा रहेको छ । यता दोस्रो स्थानको आर्सनलले ३६ खेलबाट ८३ अंक जोडेको छ ।

लिगमा म्यानचेस्टर सिटी र आर्सनलले समान २-२ खेल खेल्न बाँकी छ । अहिलेको अवस्थामा भने म्यानचेस्टर सिटीले २ अंकको अग्रता लिएको छ ।