प्रिमियर लिगः लिभरपुलले एस्टन भिल्लासँग खेल्यो बराबरी

काठमाडौँ- इंग्लिस प्रिमियर लिगअन्तर्गत लिभरपुलले एस्टन भिल्लासँग अंक बाँडेको छ ।

सोमबार राति सम्पन्न खेलमा एस्टन भिल्लासँग ३-३ गोलको बराबरी खेल्दै लिभरपुलले अंक बाँडेको हो ।

---

एस्टन भिल्लाका लागि झोन डुरानले २ तथा योरी टिइलेमान्सले एक गोल गरे ।

लिभरपुलका लागि भने कोडी गाक्पो र जारेल अमोरिनले एक-एक गोल गर्दा एस्टन भिल्लाका इमिलियोन मार्टिनेजले एक आत्मघाती गोल गरे ।

बराबरीसँग तेस्रो स्थानमा रहेको लिभरपुलले ३७ खेलबाट ७९ अंक जोडेको छ । यता ३७ खेलबाट ६८ अंक हात पारेको एस्टन भिल्ला चौथो स्थानमा छ ।