ला लिगाः बार्सिलोनाको जित

काठमाडौँ- स्पेनिस ला लिगाअन्तर्गत बार्सिलोनाले जित हात पारेको छ ।

सोमबार राति सम्पन्न खेलमा बार्सिलोनाले रियल सोसाइडाडलाई २-० गोलअन्तरले पराजित गरेको हो ।

---

बार्सिलोनाको जितमा लामिन यामल र राफिन्हाले एक-एक गोल गरे ।

जितसँगै तालिकाको दोस्रो स्थानमा रहेको बार्सिलोनाले ३५ खेलबाट ७६ अंक जोडेको छ ।

ला लिगाको उपाधि जितिसकेको तथा शीर्ष स्थानमा रहेको रियल मड्रिडको ९० अंक छ । तेस्रो स्थानको गिरोनाको ७५ अंक छ ।