विश्वकप छनोटः नेपालले यमनको सामना गर्दै

काठमाडौँ- फिफा विश्वकप छनोट-२०२६ र एएफसी एसियन कप-२०२७ को संयुक्त छनोटअन्तर्गत नेपालले आज राति यमनको सामना गर्दैछ ।

छनोटको दोस्रो चरणअन्तर्गत नेपाल र यमनबीचको खेल साउदी अरेबियाको दम्मानस्थित प्रिन्स मोहम्मद फहद स्टेडियममा हुनेछ । खेल नेपाली समय अनुसार राति ११:४५ मा सुरु हुने तालिका रहेको छ ।

---

छनोटका लागि समूह 'एच' मा रहेको नेपालले यसअघिका पाँचवटै खेलमा पराजय भोगिसकेको छ ।

त्यतिमात्र नभएर पाँच खेलमा १८ गोल खाँदा नेपालले अहिलेसम्म एक गोल पनि फर्काउन सकेको छैन ।

यमनविरुद्धको खेल नेपालका लागि छनोटको अन्तिम खेल हो । र अन्तिम खेलमा नेपाल जितको खोजीमा हुनेछ ।