साफ यू-२० च्याम्पियनसिप: आज भारतले भुटानको सामना गर्दै

काठमाडौँ - काठमाडौँमा जारी साफ यू-२० च्याम्पियनसिप अन्तर्गत आज साविक विजेता भारतले भुटानसँग खेल्दै छ ।

सातदोबाटोस्थित एन्फा कम्प्लेक्समा हुने समूह बी अन्तर्गतको यो खेल अपराह्न ३ बजेदेखि सुरु हुँदैछ ।

---

आइतबारदेखि सुरु भएको प्रतियोगिताको पहिलो खेलमा समूह ए मा रहेको नेपालले श्रीलंकालाई १-० गोल अन्तरले पराजित गर्दै विजयी सुरुवात गरेको छ ।

नेपालसहित ६ देशले भाग लिएको यस प्रतियोगितामा नेपाल समूह ए बंगलादेश र श्रीलंकासँग रहेको छ भने समूह बी मा भारत, भुटान र माल्दिभ्स रहेका छन् । 

त्यस्तै नेपालले भने समूह चरणको अर्को खेल बिहीबार बंगलादेशसँग खेल्ने तालिका रहेको छ ।