काठमाडौँ : अर्जेन्टिना कोपा अमेरिका फुटबलको फाइनलमा पुगेको छ । बुधबार बिहान भएको दोस्रो सेमिफाइनल खेलमा कोलम्बियालाई पेनाल्टी सुटआउटमा ३–२ गोलले हराउँदै अर्जेन्टिना फाइनल पुगेको हो ।

यसअघि निर्धारित ९० मिनेटको खेल एक–एक गोलको बराबरीमा सकिएको थियो । अतिरिक्त समयमा समेत गोल हुन नसकेपछि खेल पेनाल्टी सुटआउटमा पुगेको थियो । जसमा अर्जेन्टिनाले तीन गोल गर्दा कोलम्बियाले दुई गोल मात्रै गर्न सक्यो । जितसँगै फाइनल पुगेको अर्जेन्टिनाले अब उपाधिका लागि ब्राजिलसँग खेल्नेछ । 

---