लोजानो र माटाको त्यो गोल : जसले बार्सिलोना र म्याड्रिड दुवै पराजित

स्पेनिस ला लिगामा रियल म्याड्रिड शनिबार राति भएका खेलमा पराजित भएको छ । घरेलु मैदानमा रियललाई नवप्रवेशी टिम क्याडिजले १-० गोलले पराजित गरेको हो । रियललाई क्याडिजले ३० वर्षपछि पराजित गरेको हो । 

क्याडिजका जितका लागि नेग्रेडोले पासमा लोजानोले १६ मिनेटमा गोल गरेका थिए । 

---

त्यस्तै बार्सिलोना पनि पराजित भएको छ । बार्सिलोनालाई गेटाफेले १-० गोलले पराजित गरेको हो। 

बार्सिलोनाका डे जोङले गेटाफेका डोकोनामलाई फउल गरेपछि ५६ मिनेटमा पेनाल्टीमार्फत माटाले गोल गर्दै गेटाफेलाई जित दिलाएका थिए ।

बार्सिलोना चार खेलबाट ७ अंक जोड्दै अंक तालिकाको नवौं स्थानमा छ । रियल म्याड्रिड अंक तालिकामा शीर्ष स्थानमा कायम छ भने रियलले ५ खेलबाट १० अंक जोडेको छ । त्यस्तै गोल अन्तरमा पछि परेका गेटाफे र क्याडिजको पनि समान १०-१० अंक छ।