भारतविरुद्धको फरवार्ड लाइनमा नवयुग, अन्जन र आयुष घलान

काठमाडौँ : भारतविरुद्धको मैत्रीपूर्ण खेलका लागि नेपालको सुरुआती टिमको फरवार्ड लाइनमा नवयुग श्रेष्ठ, अन्जन बिष्ट र आयुष घलान परेका छन् । एन्फाले सार्वजनिक गरेको भारतविरुद्धको मैत्रीपूर्ण खेलको सुरुवाती ११ टिममा अन्जन, नवयुग र आयुषले फरवार्ड लाइन सम्हालेका हुन् । 

नेपाली टिमको कप्तानमा गोलकिपर किरणकुमार लिम्बू छन् । यस्तै डिफेन्डरमा सुमन अर्याल, गौतम श्रेष्ठ, अनन्त तामाङ र दिनेश राजवंशी छन् । मिडफिल्डमा तेज तामाङ, पुजन उपरकोटी, सुमन लामा छन् ।

---

दशरथ रंगशालामा नेपाली फुटबल टोलीले पहिलोपटक मैत्रीपूर्ण खेल खेल्न लागेको हो ।