साफ च्याम्पियनसिप : भारतसँग नेपाल पराजित

काठमाडौं - १३औं साफ च्याम्पियनसिपअन्तर्गत लिग चरणको तेस्रो खेलमा नेपाल भारतसँग नेपाल पराजित भएको छ। माल्दिभ्सको मालेस्थित राष्ट्रिय रंगशालामा आइतबार राति सम्‍पन्‍न खेलमा नेपाल भारतसँग १-० गोल अन्तरले पराजित भएको हो ।

भारतका कप्तान सुनिल क्षेत्रीले खेलको ८२औं मिनेटमा गरेको गोल नै निर्णायक बन्‍यो । जितसँगै भारतको फाइनल पुग्ने सम्भावना अझै कायम रहेको छ। जितसँगै भारत ३ खेलमा ५ अंक जोड्दै तेस्रो स्थानमा उक्लिएको छ। नेपाल ३ खेलमा ६ अंकसहित दोस्रो स्थानमा  छ। गोल संख्यको आधार आयोजक माल्दिभ्स शीर्षस्थानमा उक्लिएको छ। यसअघि नेपालले लगातार दुई खेल जितेको थियो । भारतले भने लगातार दुई खेल बराबरी खेलेको थियो ।

---

चौथो स्थानमा ३ खेलमा ४ अंक जोडेको बंगलादेश छ। ४ खेलमा १ अंक जोड्दै श्रीलंका प्रतियोगिताबाट बाहिरिसकेको छ। नेपालले अन्तिम चरणको खेलमा अब बुधबार बंगलादेशसँग खेल्नेछ। नेपालले अन्तिम खेलमा बंगलादेशविरुद्ध जित वा बराबरीको नतिजा हासिल गरे फाइनल प्रवेश गर्नेछ।