काठमाडौँ - सहिद स्मारक ए डिभिजन लिग फुटबलमा ब्रिगेड ब्वाइज क्लबले एपीएफ फुटबल क्लबमाथि संघर्षपूर्ण जित निकालेको छ । काठमाडौँमा भएको खेलमा ब्रिगेड ब्वाइज क्लबले एपीएफलाई ३–२ गोलले हराएको हो ।

ब्रिगेड ब्वाइज क्लबलाई जिताउन दिनेश राईले दुई तथा सुरज गुरुङले एक गोल गरे । खेल सुरु भएको १२ औँ मिनेटमै गोल गरेर दिनेशले ब्रिगेडलाई अग्रता दिलाएका थिए । दोस्रो हाफको ६५ औँ मिनेटमा उनले व्यक्तिगत दोस्रो गोल गरे ।

---

एपीएफका लागि आशिष लामाले १७ औँ मिनेटमा गोल गर्दा बिक्की तामाङले ७७ औँ मिनेटमा गोल गरेर खेल बराबरीमा ल्याएका थिए । दुई–दुई गोलको बराबरीमा रोचक खेल चलिरहेका बेला सुरज गुरुङले ९२ औँ मिनेटमा गोल गर्दै ब्रिगेडलाई जित दिलाएका हुन् ।