मछिन्द्रको जितमा सुनिलको रवाफ

काठमाडौँ- सुनिल बलले दुई गोल गरेपछि सहिद स्मारक ए डिभिजन लिगमा च्याम्पियन मछिन्द्र क्लबले सोमबार न्युरोड टिम (एनआरटी)लाई २–१ ले पराजित गरेको छ । फरवार्ड सुनिलले पहिलो र दोस्रो हाफमा गोल गरे । एनआरटीका लागि एरिक विष्टले एक गोल फर्काए ।  

सुनिलले पहिलो गोल १२ औँ मिनेटमा गरेका थिए । विशाल राईले मैदानको मध्यभागबाट निकालेको पासलाई सदुपयोग गर्दै सुनिलले गोल गरेका थिए । दोस्रो गोलका लागि भने सुनिललाई सुजल श्रेष्ठले क्रस उपलब्ध गराए ।

---

खेल १–१ को बराबरीमा रहेका बेला सुजलले लेफ्ट विंगबाट एनआरटीको बक्समा बल झारिदिएका थिए । त्यहीबेला पेनाल्टी बक्समो छेउमै पुगेका सुनिलले सुजलको क्रस भेटे र गोल गरे । 

यससँगै यो सिजनको लिगमा सात खेल सकिएका छन् । पहिलो चरण सकिँदा थ्रीस्टार क्लब, ब्रिगेड ब्याइज क्लब, मनाङ मस्र्याङ्दी क्लब र मछिन्द्रले आ–आफ्ना खेलमा जित हासिल गरेका छन् ।