सहिद स्मारक लिगमा एपीएफको दोस्रो हार

काठमाडौँ- सहिद स्मारक ‘ए’ डिभिजन लिगमा एपीएफ फुटबल क्लबले दोस्रो हार बेहोरेको छ । शनिबार दशरथ रंगशालामा एपीएफलाई च्यासल युथ क्लबले १–० ले पराजित गरेको हो । च्यासलको जितमा रुमेश बरतौलाले गोल गरेका थिए । 

च्यासलका लागि रुमेशले सुन्दर गोल गरेका थिए । विदेशी मिडफिल्डर विजय पोनुनरंगमले दिएको लामो पासलाई फुलब्याक कमल श्रेष्ठले नियन्त्रणमा लिँदै रुमेशलाई पास दिएका थिए । १८ यार्ड बक्सको छेउमै रहेका रुमेशले एपीएफका रक्षकलाई बिट गर्दै गरेको प्रहार गोलमा परिणत भएको थियो ।  

---

पहिलो चरणको खेलमा एपीएफ ब्रिगेड ब्याइज क्लबसँग ३–२ को अन्तरले हारेको थियो । च्यासलविरुद्ध भने एपीएफको अग्रपंक्तिको जोड चलेन । एपीएफले कुल ६ प्रहार गरेको थियो । तर एउटा प्रहार मात्रै फ्रेममा परेको थियो । उता च्यासल भने आक्रामण बुन्ने मामलामा बलियो देखियो । उसका सात प्रहारमध्ये चार प्रहार टार्गेटमा थिए । 

च्यासलका लागि यो पहिलो जित हो । पहिलो खेलमा च्यासललाई थ्रीस्टार क्लबले ३–० ले पराजित गरेको थियो । अब दिनको दोस्रो खेलमा हिमालयन शेर्पा क्लब र मनाङ मस्र्याङ्दी क्लब आमनेसामने हुँदैछन् ।