इंग्लिस प्रिमियर लिगमा टोटनहमको सातौँ जित

काठमाडौँ- इंग्लिस प्रिमियर लिगमा टोटनहमले सातौँ जित निकालेको छ । बिहीबार राति भएको खेलमा टोटनहमले ब्रेन्टफोर्डलाई २-० गोल अन्तरले पराजित गरेको हो । टोटनहमको जितमा सन हेंग मिनले १ गोल गर्दा अर्को गोल भने उपहार पायो ।

भ्रमणकारी टोली ब्रेन्टफोर्डका सेर्गी कानोसले १२ औँ मिनेटमा आफ्नौ पोष्टमा गोल गर्दा टोटनहमले १–० को अग्रता पायो । ६५औँ मिनेटमा दक्षिण कोरियाली खेलाडी सनले अग्रता दोब्बर बनाउँदै सहज जित दिलाए । 

---

योसँगै प्रशिक्षक एन्टोनियो कोन्टेले लण्डनमा लगातार जित पाएका छन् । जितसँगै टोटनहम १३ खेलबाट २२ अंकसहित छैटौँ स्थानमा उक्लिएको छ । पराजित ब्रेन्टफोर्ड भने १४ खेलबाट १६ अंकसहित १२औँ स्थानमा छ ।