च्याम्पियन्स लिगको ‘ड्र’ रद्द, नयाँ खेल तालिका सार्वजनिक गरिने

काठमाडौँ- युईएफए च्याम्पियन्स लिगको ‘ड्र’ रद्द गरिएको छ । प्राविधिक समस्याका कारण भन्दै युरोपेली फुटबल महासंघ (यूईएफए)ले सोमबार साँझ सार्वजनिक गरेको खेल तालिका रद्द गरेको हो । नयाँ तालिका सोमबार राति नै सार्वजनिक गरिने बताइएको छ । 

‘सफ्टवेयरमा आएको समस्याका कारण च्याम्पियन्स लिगको ड्र निकाल्दा केही गल्ती भएका छन् । यसकारण सार्वजनिक गरिएको तालिकालाई रद्द गर्दै नयाँ तालिका सार्वजनिक गरिनेछ,’ यूईएफएले भनेको छ । 

---

फ्रान्सको नियोनमा आयोजित कार्यक्रम दौरान निकालिएको ‘ड्र’ अनुसार म्यानचेस्टर युनाइटेड र पेरिस सेन्ट (पीएसजी)बीचको भेट पक्का भएको थियो । यसैगरी लिभरपुलले आरबी लाइपपिजग अनि चेल्सीले लिललाई विपक्षीका रूपमा पाएका थिए ।