कौउटिन्हो अब एस्टन भिल्लामा

काठमाडौँ- ब्राजिलियन प्लेमेकर फिलिप्पे कौउटिन्हो इंग्लिस प्रिमियर लिगको एस्टन भिल्लासँग आबद्ध हुने भएका छन् । बेलायती सञ्चार माध्यमहरुका अनुसार कौउटिन्होको भिल्लातर्फका सरुवा पक्का भएको छ । लिभरपुलका पूर्वखेलाडी कौउटिन्हो लिभरपुलकै पूर्वकप्तान स्टिभन जेरार्ड प्रशिक्षक रहेको क्लबमा ‘लोन’मा जान लागेका हुन् । 

कौउटिन्हो जनवरी, २०१८ मा बार्सिलोना पुगेका थिए । क्याट्लन क्लबमा दुई पटक स्पेनिस च्याम्पियन बने पनि कौउटिन्हो त्यहाँ स्थापित भने हुन सकेनन् । बीचमा बायर्न म्युनिख पुगेका कौउटिन्हो एक सिजनपछि नै बार्सिलोना फर्किएका थिए । लिभरपुलमा जेरार्डसँग केही सिजन सँगै खेलेका कौउटिन्हो भिल्लामा ६ महिना रहनेछन् । 
 

---