युनाइटेडको सहज जित

काठमाडौँ- इंग्लिस प्रिमियर लिगमा गएराति भएको खेलमा म्यानचेष्टर युनाइटेडले सहज जित निकालेको छ । बुधबार राति भ्रमणकारी टोली युनाइटेडले ब्रेन्टफोर्डलाई ३–१ अन्तरले पराजित गर्दै १० औं जित निकाल्यो । 

युनाइटेडको जितमा एन्थोनी अलान्गा, मासोन ग्रीनवुड र  मार्कोस रसफोर्डले एक एक गोल गरे । घरेलु टोली ब्रेन्टफोर्डका लागि खेलको ८५औं मिनेटमा इभान टोनीले सान्त्वना गोल गरे । 

---

यस अघि खेलको ५५औं मिनेटमा एन्थोनीले युनाइटेडलाई सूरुवाती अग्रता दिलाए । ६२औं मिनेटमा मासोनले गोल गर्दा युनाईट २–०ले अगाडि बढ्यो । रसफोर्डले ७७औं मिनेटमा गोल गर्दा युनाइटेड सहज जिततर्फ लम्कियो । 

जितपछि २१ खेलबाट युनाइटेड ३५ अंक सहित साँतौ स्थानमा छ । २२ खेलबाट ब्रेन्टफोर्ड २३ अंक सहित १४औं स्थानमा छ । २२ खेलबाट ५६ अंक बनाएको म्यानचेष्टर सिटी शीर्षस्थानमा छ ।