काठमाडौँ- विभागीय टिम नेपाल एपीएफ क्लब पोखरामा जारी आहा–रारा गोल्डकपको सेमिफाइनल प्रवेश गरेको छ । शनिबार पोखरा रंगशालामा भएको क्वार्टरफाइनलमा एपीएफले अमेरिकाबाट आएको भुटनिज युथ स्पोर्ट्स क्लब (बीवाईएससी) टिमलाई ३–१ ले पन्छाउँदै अन्तिम चारमा स्थान पक्का गरेको हो । ए डिभिजन क्लब एपीएफसँग हारेसँगै बीवाईएससीको नेपाल यात्रा भने पहिलो खेलबाट सकिएको छ । 

---

आफ्नो पहिलो खेलमा आयोजक सहारा क्लबलाई पराजित गरेको एपीएफ प्रि–क्वार्टरफाइनलको खेलमा एक गोलले पछि परेको थियो । ४९ औँ मिनेटमा बीवाईएससीका मेगल पालाफोक्सले गोलको खाता खोलेका थिए । तर ७० औँ मिनेटमा आभाष लामिछानेको गोलमार्फत खेलमा फर्किएको थियो । त्यसपछि रवी थिङले८४ औँ र आतिरिक्त समयमा लगातार गोल गरेपछि एपीएफले पुनरागमन जित दर्ता गर्‍यो । 

एपीएफले सेफिाइनलमा संकटा क्लब र मछिन्द्र फुटबल क्लबबीचको विजेतासँग प्रतिस्पर्धा गर्नेछ । यो प्रतियोगितामा ए डिभिजनका आठसहित कुल १० टिमले भाग लिएका छन् । प्रतियोगिता जित्ने टिमले १० लाख रुपैयाँ प्राप्त गर्नेछ ।