मरिससविरुद्धको दोस्रो खेलमा विमल पहिलो रोजाईमा परेनन्

काठमाडौँ : मरिससविरुद्धको दोस्रो मैत्रीपूर्ण खेलमा स्ट्राइकर विमल घर्तीमगर पहिलो रोजाईमा परेका छैनन । नेपालको सुरुवाती ११ को फरवार्ड लाइनमा अन्जन बिष्ट, आशिष लामा र दर्शन गुरुङ परेका छन् ।

प्रशिक्षक अब्दुल्लाह अल्मुताइरीले विमललाई बेन्चमा राखेका हुन् । पहिलो मैत्रीपूर्ण खेलमा विमलले गरेको एक मात्रै गोलबाट नेपाल विजयी भएको थियो । तर मरिससविरुद्ध दोस्रो मैत्रीपूर्ण खेलमा विमललाई सुरुवातमा मैदान उतारिएको छैन । 

---

प्रशिक्षक अल्मुताइरीले रणनीतिका साथ विमललाई दोस्रो हाफपछि मात्रै मैदान उतार्ने अनुमान छ । आजको खेलमा भरपर्दा डिफेन्डर अनन्त तामाङ पनि मैदानमा छैनन ।