रियल मड्रिडलाई पराजित गर्दै बिल्बाओ सेमिफाइनलमा

काठमाडौँ- एलेक्स बेरेनगुयरले ८९औं मिनेटमा गरेको गोल निर्णायक बन्दा  रियल मड्रिडलाई पराजित गर्दै एथ्लेटिकको बिल्बाओ स्पेनिस कोपा डेल रेको सेमिफाइनलमा प्रवेश गरेको छ   ।

बिहीबार राति भएको खेलमा बैकल्पिक खेलाडी एलेक्स बेरेन्गुएरले गोल गर्दा स्पेनिस ला लिगा लिडर रियल प्रतियोगिताबाट बाहिरियो । यस अघि बिल्बाओले अर्को ला लिगा क्लब बार्सिलोनालाई पराजित गर्दै क्वाटरफाइनल पुगेको थियो   । 

---

अब फाइनल प्रवेशका लागि बिल्बाओले भ्यालेन्सियाको सामना गर्नेछ ।