एफए कप : सिटी क्‍वार्टरफाइनल पुग्दा टोटनहम बाहिरियो

काठमाडौँ- च्याम्पियनसिप टोली पिटरर्सब्रग युनाइटेडलाई २-० अन्तरले पराजित गर्दै इंग्लिस क्लब म्यानचेस्टर सिटी एफए कपको क्‍वार्टरफाइनलमा प्रवेश  गरेको छ ।

मंगलबार राति सिटीलाई अन्तिम आठमा स्थान पक्का गर्न रियाद महारेज र ज्याक ग्रेलिसले दोस्रो हाफमा १-१ गोल गरे ।

---

राति नै भएको अर्को खेलमा च्याम्पियनसिप क्लब मिडल्सब्रगसँग १-० अन्तरले पराजित हुँदै टोटेनहम  एफए कपको प्रि-क्‍वार्टरफाइनलबाट बाहिरिएको छ ।

टोटेनहमलाई स्तब्ध बनाउने क्रममा जोस कोवर्नले खेलको १०७औँ मिनेटमा गरेको गोल निर्णायक बन्यो । अर्का खेलमा क्रिस्टल प्यालेसले स्टोक सिटीलाई २-१ अन्तरले पराजित गर्दै क्‍वार्टरफाइनलमा स्थान बनायो । एजेन्सीको सहयोगमा