चर्च ब्वाइज ए डिभिजनमा बढुवा

काठमाडौँ- चर्च ब्वाइज युनाइटेड सहिद स्मारक ए डिभिजन लिगमा बढुवा भएको छ । सातदोबाटोस्थित एन्फा कम्पलेक्समा जारी सहिद स्मारक बी डिभिजन फुटबल लिग अन्तर्गत आठ खेल जित्दै चर्च ब्वाइज ए डिभिजनमा बढुवा भएको हो । 

बी डिभिजन अन्तर्गत एक खेल अगावै चर्च ब्वाइज ए डिभिजनमा स्थान बनाउन सफल भयो । १४ टिम सहभागी लिग अन्तर्गत चर्च ब्वाइजले १२ मध्ये खेल ८ जित, दुई बराबरी र दुई खेलमा पराजय भोग्दै २६ अंक जोड्न सफल भएको छ । 

---

लिग अन्तर्गत चर्च ब्वाइजले आठौँ जित हात पार्न मंगलबार बाँसबारी क्लबलाई ५–१ ले पराजित गर्‍यो ।

सिंगल राउन्ड रोविनको आधारमा जारी लिग अन्तर्गत १४ टिम मध्ये शीर्ष दुई टिम ए डिभिजनमा बढुवा हुनेछन् भने पुछारका दुई टिम सी डिभिजनमा झर्नेछन् ।