सहसचिव काफ्ले सचिवमा बढुवा

काठमाडौँ- सरकारले वरिष्ठ सहसचिव डा. दीपक काफ्लेलाई सचिवमा बढुवा गरेको छ । आज प्रधानमन्त्री तथा मन्त्रिपरिषद्को कार्यालय सिंहदरबारमा बसेको मन्त्रिपरिषद् बैठकले उक्त निर्णय गरेको हो ।

बढुवा समितिले पहिलो नम्बरमा सिफारिस गरेका डा. काफ्लेलाई सचिवमा बढुवा गर्ने निर्णय गरेको हाे ।

---

लोक सेवा आयोगका अध्यक्ष माधवप्रसाद रेग्मीको अध्यक्षतामा आइतबार बसेको बढुवा सिफारिस समितिको बैठकले वरिष्ठ सहसचिवत्रय डा. काफ्लेसहित नारायण शर्मा दुवाडी र दिनेश घिमिरेको नाम सिफारिस गरेको थियो ।

काफ्ले श्रम, रोजगार तथा सामाजिक सुरक्षा मन्त्रालयको श्रम सम्बन्ध तथा सामाजिक सुरक्षा महाशाखा प्रमुखको जिम्मेवारीमा छन् ।