सन्धिखर्क नगरपालिका बन्द !

अर्घाखाँची– अर्घाखाँचीको सन्धिखर्क नगरपालिकाका ४ दिनका लागि बन्द गरिएको छ। नगरपालिकाका प्रमुख कमलप्रसाद भुसालसहित केही कर्मचारीलाई कोरोना देखिएपछि कार्यालय बन्द गर्ने निर्णय गरिएको हो । 

नगरपालिकाका प्रमुख प्रशासकीय अधिकृत नारायण अर्यालले सोमबार सूचना जारी गरेको सूचनामा ७ गतेसम्म कार्यालय बन्द हुने उल्लेख छ। नगरपालिका कार्यालयको बैठकले सेवा बन्द गर्ने निर्णय गरेको हो।

---

कोरोनाको संक्रमण थप फैलिन नदिन अत्यावश्यक बाहेकका अन्य सेवा बन्द गरिने निर्णय गरिएको नगरपालिकाले जनाएको छ । कार्यालयका ५७ जना कर्मचारीमा गरिएको एन्टीजेन परीक्षणमा १५ जनामा संक्रमण पुष्टि भएको थियो ।