काेभिड संक्रमणले कीर्तिमान कायम गरेकै दिन प्रधानमन्त्रीले गरे विश्वासको मत लिने निर्णय

काठमाडौँ  : प्रधानमन्त्री केपी शर्मा ओलीले संसद्‍बाट विश्वासको मत लिने भएका छन् । आइतबार प्रधानमन्त्री निवास बालुवाटारमा बसेको मन्त्रिपरिषद् बैठकमा प्रधानमन्त्री ओलीले उक्त जानकारी दिएका हुन । काेभिड-१९ को संक्रमणले किर्तिमान कामय गरेकै दिन प्रधानमन्त्री ओलीले यस्ताे निर्णय  लिएका हुन् । 

‘म अब  विश्वासको मत लिन्छु,’ प्रधानमन्त्रीलाई उद्धृत गर्दै एक मन्त्रीले भने, ‘संसद्को अधिवेशन बोलाएर विश्वासको मत लिनेछु । यस विषयमा म राष्ट्रपतिलाई जानकारी गराउने छु ।’ 

---

संसद्कोे बजेट अधिवेशन बोलाउने विषयमा प्रधानमन्त्रीले आइतबार दिउसो नै राष्ट्रपतिसँग छलफल गरेका थिए । उनले त्यही अनुरुप नै मन्त्रिपरिषदलाई जानकारी गराएका हुन् । कोभिड-१९ को महामारी देखाएर उनले विश्वासको मत लिने तयारी गरेका हुन । 

उनी मन्त्रिपरिषदको बैठक चलिरहेकै बीचमा उठेर राष्ट्रपतिकोमा गएर आउने बताएका थिए । उनले त्यहाँ आगामी बैशाख २७ गते सदनबाट विश्वासको मत लिने तयारी रहेको उनका प्रेस सल्लाहार सूर्य थापाले बताए ।

‘उहाँले अब विश्वासको मत लिनुहुनेछ,’ थापाले भने, ‘अन्य विषयमा छलफल भइरहेको छ । कोभिड संकट निवारणको लागि नै मन्त्रिपरिषद् छलफल केन्द्रित रहेको होला।  भएको निर्णयबारे जानकारी छैन ।’