पेट्रोलियम पदार्थको मूल्य नबढाउन प्रधानमन्त्रीको निर्देशन

काठमाडौँ - प्रधानमन्त्री पुष्पकमल दाहालले पेट्रोलियम पदार्थको मूल्य साविककै कायम राख्न निर्देशन दिएका छन् । 

आज बसेको मन्त्रिपरिषद्को बैठकको निर्णय सार्वजनिक गर्दै सरकारका प्रवक्ता रेखा शर्माल पेट्रोलियम पदार्थको मूल्य साविककै कायम राख्न आयल निगमलाई प्रधानमन्त्रीले निर्देशन दिएको बताएकी हुन् । निगमले गएरातिबाट लागू हुने गरी पेटेलियम पदार्थको मूल्य बढाएको थियो । 

---

पेट्रोलको मूल्य प्रतिलिटर दुई रुपैयाँले बढाइएको थियो । यस्तै डिजेल र मट्टितेलको मूल्य प्रतिलिटिर ६ रुपैयाँले बढाइएको थियो । 

खाना पकाउने ग्यासको मूल्य भने एकैपटक प्रतिसिलिन्डर २१५ रुपैयाँले बढाएको थियो ।