देउवाले प्रधानमन्त्रीलाई बुझाए भूकम्प प्रभावितकाे राहतका लागि घोषणा गरिएको ५० लाख

काठमाडौँ– नेपाली कांग्रेसका सभापति शेरबहादुर देउवाले प्रधानमन्त्री पुष्पकमल दाहाल प्रचण्डलाई  कांग्रेसले भूकम्प प्रभावितकाे राहतका लागि घोषणा गरिएको ५० लाख रुपैयाँको चेक हस्तान्तरण गरेका छन् ।

मंगलबार प्रधानमन्त्री निवास बालुवाटार पुगेर देउवाले घोषणा गरिएको रकम बराबरको चेक हस्तान्तरण गरेका हुन् । चेक हस्तान्तरणका लागि देउवा महामन्त्री द्वय गगन थापा र विश्वप्रकाश शर्मासहित बालुवाटार पुगेका थिए । उक्त ५० लाख रुपैयाँ प्रभावितको उद्धार कोषमा जम्मा हुनेछ । 

---

कांग्रेस कार्यसम्पादन समिति बैठकले भूकम्प प्रभावित जिल्लाका पीडितहको राहतका लागि कोषमा रकम जम्मा हुने गरि सहयोग गर्ने निर्णय गरेको थियो । शुक्रवार जाजरकोटको बारेकोट गाउँपालिका रामीडाँडा केन्द्रबिन्दु भएर  गएको भूकम्पका परी १५१ जनाको मृत्यु भएको छ भने सयाैँ घाइते भएका छन् ।