राष्ट्रपति पौडेललाई भेट्‌न प्रधानमन्त्री प्रचण्ड शीतलनिवासमा

काठमाडौँ- राष्ट्रपति रामचन्द्र पौडेलसँग प्रधानमन्त्री पुष्पकमल दाहाल ‘प्रचण्ड’ले भेटवार्ता गरेका छन् ।

राष्ट्रपति कार्यालय शीतलनिवासमा आज बिहान भएको भेटमा राष्ट्रपति पौडेलले भूकम्प प्रभावित क्षेत्रमा राहत व्यवस्थापन कार्यलाई तीव्रता दिन सरकारको ध्यानाकर्षण गराएको उनका प्रेस सल्लाहकार किरण पोखरेलले जानकारी दिए ।

---

सो अवसरमा उनीहरूबीच समसामयिक विषयमा समेत छलफल भएको थियो । रासस