प्रधानमन्त्री प्रचण्ड स्वदेश फर्कंदै

काठमाडौँ– प्रधानमन्त्री पुष्पकमल दाहाल प्रचण्ड आज (आइतबार) स्वदेश फर्किने भएका छन् । यूएईमा सम्पन्न जलवायु परिवर्तनसम्बन्धी संयुक्त राष्ट्रसंघीय संरचना महासन्धिको २८औँ सम्मेलनमा सहभागी भएर प्रधानमन्त्री आज स्वदेश फर्कन लागेका हुन् ।

प्रधानमन्त्रीका प्रेस संयोजक सूर्य किरणका अनुसार उनी साँझ ६ बजे त्रिभुवन अन्तर्राष्ट्रिय विमानस्थलमा अवतरण गर्नेछन् । 

---

सम्मेलनमा सहभागी हुन गत बुधबार यूएई गएका उनले शनिबार सम्मेलनलाई सम्बोधन गरेका थिए । उनले सम्बोधनका क्रममा मानव जाति र सभ्यता बचाइराख्न हिमाल बचाउन आवश्यक रहेको बताएका थिए ।