खाली हुँदै प्रधानमन्त्री तथा मन्त्रीहरूको शपथ ग्रहणस्थल

काठमाडौँ : प्रधानमन्त्रीमा नियुक्त गरिएको पत्रमा संविधानको धारा उल्लेख नगरेको भन्दै कांग्रेस सभापति शेरबहादुर देउवाले आपत्ति जनाएपछि साँझ ६ बजे तय भएको शपथ ग्रहण कार्यक्रम अझै सुरु हुन सकेको छैन । 

लामो समयसम्म राष्ट्रपति कार्यालय र सत्तारुढ दलका नेताहरूबीच पत्रको भाषामा कुरा नमिलेपछि शपथ ग्रहणमा सहभागी राजनीतिक दलका नेताहरू र सरकारका विशिष्ट पदाधिकारीहरू कार्यक्रम स्थलबाट बाहिरिन थालेका छन् । 

---

राष्ट्रपति विद्यादेवी भण्डारीले सर्वोच्च अदालतको परामादेश अनुरुप प्रधानमन्त्रीमा नियुक्त गरिएको भन्ने भाषा नियुक्ति पत्रमा उल्लेख गरेकी थिइन । तर, देउवाले संविधानको धारा ७६ (५) अनुरुप भनेर नलेखेसम्म पद तथा गोपनीयताको शपथ नलिने अडान लिइरहेका छन् ।