काठमाडौँ - गृहमन्‍त्री बालकष्‍ण खाणले दार्चुला घटनाको छानबिन गर्न गठित समितिले बुझाउने प्रतिवदेन दृढताका साथ कार्यान्‍वयन गर्ने प्रतिवद्धता जनाएका छन् । प्रतिनिधि सभामा  सांदहरूले उठाएका प्रश्‍नको जवाफ दिने क्रममा उनले सरकारले सत्य-तथ्य सार्वजनिक गर्ने प्रतिवदनअनुसार जुनसुकै कदम चाल्न पनि तयार रहेको प्रतिबद्धछा जनाए ।

'दार्चुला महाकाली नदीमा भएको घटनाका सम्बन्धमा सरकारले छानबिन समिति बनाएको छ र समितिले घटनास्थलमा पुगेरै छानबिन गर्नेछ,' उनले भने, 'तुइन तर्न सफल भएकाहरूसँग पनि भेटघाट गर्नु हुनेछ र उनीहरूले दिएको जानकारीलाई मूल आधार बनाउनेछ । त्यहाँका आम नागरिकसँग पनि बुझ्ने र सत्यतथ्य संकलन गरेरै प्रतिवेशन बनाइने छ । निष्कर्षलाई सरकारले

---

दृढताकासाथ अगाडि बढाउने छ। नागरिकको जीवन रक्षा गर्नु राज्‍यको दायित्व हो । नागरिकको जीवन रक्षमा हामी गम्भीर छौँ । समितिले जे प्रतिवेदन दिन्‍छ सरकारले जे तथ्य हो त्यही ने सार्वजनिक गर्नेछ र पूर्ण रूपमा अडान लिने र जुनसुकै कदम चाल्न पनि तयार छौं । प्रतिबद्धता जाहेर गर्दछु ।'