केपी ओलीको पार्टीलाई सुदूरपश्चिममा जिरो डिग्रीमा पुर्‍याउँछौं: मन्त्री आले

कैलाली- सस्कृति पर्यटन तथा नागरिक उड्‍डयन मन्त्री प्रेम आलेले केपी ओलीको पार्टीलाई सुदूरपश्चिममा जिरो डिग्रीमा पुर्‍याउने बताएका छन् । कञ्‍चनपुरमा आयोजित नेकपा (एकीकृत समाजवादी)को विस्तारित बैठकमा सम्बोधन गर्दै आलेले यस्तो बताएका हुन् ।

'पाँच दल बनेर बनेको गठबन्धलाई कुनै हालतमा टुट्न दिनु हुदैन्,' उनले भने,'केपी ओली भर्सेस अल गरेर अब केपी ओलीको पार्टीलाई सुदूरपश्चिममा जिरो डिग्री सेल्सियसमा पुर्‍याउनु पर्छ।'

---

यस्तै उनले एमालेभित्र पकेटमारले प्रवेश पाएको बताएका छन्। 'माधव कमरेडले बनाएको घरमा पाकेटमार छिरेको छ। एउटा पाकेटमारका कारणले कम्युनिष्ट आन्दोलन धरासायी अवस्थामा पुगेको छ,' उनले भने ।