प्रधानमन्‍त्री देउवाले बोलाए सर्वदलीय बैठक

काठमाडौँ - प्रधानमन्त्री शेरबहादुर देउवाले सर्वदलीय बैठक बोलाएका छन् । बैठक आइतबार दिउँसो ४ बजे  प्रधानमन्त्रीको सरकारी निवास बालुवाटारमा बस्‍ने भएको हो । संसद्को गतिरोध अन्त्य गर्न तथा एमसीसी लगायतका विषयमा छलफल गर्न बैठक बोलाइएको प्रधानमन्‍त्री देउवाको सचिवालयले जनाएको छ ।

शुक्रबार बिहान प्रधानमन्त्री देउवा र माओवादी केन्द्रका अध्यक्ष पुष्पकमल दाहालबीच सर्वदलीय बैठक बोलाउने विषयमा छलफल भएको थियो । 

---