प्रदेशको नाम मधेश प्रदेश नभए जनकपुरलाई राजधानी नबनाउने चेतावनी

जनकपुरधाम - प्रदेश २ को नाम र राजधानीबारे प्रदेश सभाको बैठकमा छलफल भएको छ । छलफलमा बोल्ने सत्तारुढ जनता समाजवादी पार्टी, नेकपा माओवादी केन्द्र र प्रमुख प्रतिपक्षी दलका प्रदेश सभा सदस्यहरुले प्रदेशको नाम मधेश प्रदेश र राजधानी जनकपुरधाम हुनुपर्ने धारणा राखेका छन ।

त्यसैगरी सत्तारुढ नेकपा एकीकृत समाजवादी पार्टीका प्रदेश सभा सदस्यहरुले आफूले प्रस्तुत गरेको प्रस्ताव जानकी प्रदेशका मुद्दा छाडेर प्रतिपक्षी दल एमालेले गरेको प्रस्ताव जनक प्रदेशमा समर्थन जनाएका छन ।

---

सत्तारुढ दल जसपाका प्रदेश सभा सदस्य एवं भूमि व्यवस्था, कृषि तथा सहकारी मन्त्री योगेन्द्र यादवले मधेश प्रदेश हुन सक्दैन भने जनकपुरधामलाई अवध, बज्जिका र भोजपुराले राजधानी नमानेर वीरगंजको मांग गर्ने चेतावनी दिए ।

उनले ऐतहासिक मधेश जनविद्रोहको चर्चा गर्दै भने मधेशमा जनविद्रोह मिथिला वा जनक, जानकी प्रदेशका लागि होइन मधेश प्रदेशका लागि भएको कारण मधेश भित्रका मिथिला, भोजपुरा, अवध र बज्जिका सबैका जनताले हौसल्ला र उत्साहक सहभागी भए र सयौंले शहादत पनि दिए ।

ती शहीदको सपना र मधेश आन्दोलनको मर्म अनुसार मधेश प्रदेशमा सहमति नभए भोजपुरा, अवध र बज्जिकावासीले पनि जनकपुरधाम राजधानी नमान्ने र वीरगंजका लागि तयारी अघि थाल्ने भन्दै चितपट दुवै मिथिला भोजपुरा वा जानकीका मान्य नहुने बताए ।

सत्तारुढ दल जसपाका चमेली देवी दास, सरोज कुशवाहा, रामआशिष यादव, ज्ञानेन्द्र यादव, मनोज कुमार सिंह, बच्चासिंह अहिर, विदेश्वर प्रसाद यादव, सुरेश मण्डल, नेत्रविक्रम साहले मधेश प्रदेश र राजधानी बारे हुनुपर्नेमा आफ्नो धारणा राखेका थिए ।

त्यसैगरी प्रमुख प्रतिपक्षी दल लोसपा परमेश्वर साह, रानी शर्मा तिवारी, प्रहलाद गिरी, गौरीनारायण साह, अभिराम शर्मा र जानकीशरण साहले पनि मधेश प्रदेश र राजधानी जनकपुरधाम हुनुपर्ने बताए ।

त्यसैगरी राजधानी जनकपुरधाम हुने बारे प्रमुख प्रतिपक्षी दलका परमेश्वर, सत्तारुढ दल कांग्रेसका शिवचन्द्र चौधरी र एमालेक लगनलाल चौधरीले आफ्ना धारणा राखेका थिए । सत्तारुढ दल कांग्रेसले दर्ता गरेको प्रदेशको नाम मिथिला भोजपुरा प्रदेश बारे आजको बैठकमा छलफल हुन सकेछ ।

त्यसअघि एमालेका शारदा थापाले प्रदेशको नाम जनक प्रदेश प्रस्तुत गरेको प्रस्तावबाट पछि हटेर नेकपा एसले प्रस्ताव गरेको जानकी प्रदेशमा समर्थन जनाएका छ । सो प्रस्तावमा एमालेका थापा सहित किशोरी साह कमल र लगनलाल चौधरीले समर्थन जनाएका छ ।

प्रदेशको नाम र राजधानी बारे प्रस्तुत गरिएका प्रस्तावमा संशोधन दर्ता गराउन ७२ को समयावधि सभामुखले दिएका छन । प्रदेश सभाको आगामी बैठक पुस ११ गते बस्नेछ ।