बालुवाटारमा प्रधानमन्त्री देउवा र डा.गाेविन्द केसीबीच छलफल

काठमाडौँ - आफूसँग भएका सम्झौता र सरकारका तर्फबाट भएका प्रतिबद्धता कार्यान्वयनका विषयमा चिकित्सा शिक्षा सुधारका अभियन्ता डा.गोविन्द केसीले प्रधानमन्त्री शेरबहादुर देउवासँग छलफल गरेका छन् । बालुवाटारमा बिहीबार दिउँसो डा.केसीसहित मोहना अन्सारी, प्रितम सुवेदी लगायतले प्रधानमन्त्री देउवासँग भेटवार्ता गरेका हुन् ।

प्रधानमन्त्री देउवासँगै कांग्रेस महामन्त्री गगन थापा पनि छलफलमा सहभागी छन् । यसअघि पटक पटक अनसन बसेका बेला भएका सम्झौता कार्यान्वयन गर्न र गएको पुस ११ गते सरकारसँग राखेका ७ बुँदे माग पूरा गर्न डा.केसीले प्रधानमन्त्रीसँग आग्रह गरेका छन् । 

---

आफूसँग भएका सहमति कार्यान्वयन नभए अनसन थाल्ने चेतावनी डा.केसीले दिएका छन् ।