माघ १५ गतेसम्म देशभरका विद्यालय बन्द गर्ने सीसीएमसीको सिफारिस

काठमाडौँ : कोरोना भाइरसको नयाँ भेरियन्ट ओमिक्रोन संक्रमण बढेपछि सरकारले देशभरका विद्यालय बन्द गर्न सिफारिस गरेको छ । आइतबार बसेको सीसीएमसीको बैठकले देशभरका विद्यालय बन्द गर्न सिफारिस गरेको हो । 

ओमिक्रोन भेरियन्टको चेनब्रेक गर्न विद्यालय बन्द गर्ने निर्णय लिइएकाे सीसीएमसी प्रवक्ता सुनिता नेपालले जानकारी दिइन् । उनका अनुसार अहिले धेरैजसो विद्यालयमा हिउँदको बिदा भएकाले पनि विद्यालय बन्द गर्नु उपयुक्त देखिएकाे हाे ।

---